SAHAR

اسلامی جمہوریہ ایران کے وزیر دفاع بریگیڈیر جنرل امیر حاتمی اپنے ہندوستانی ہم منصب کی دعوت پر اس ملک کے دورے پر جا رہے ہیں۔

ایران کے وزیر دفاع بریگیڈیر جنرل امیر حاتمی، ہندوستان کے اپنے ہم منصب راج ناتھ سنگھ کے دعوت نامے پر ہندوستان کا سفر کریں گے۔

رپورٹ میں بتایا گیا ہے کہ وزیر دفاع بریگیڈیر جنرل امیر حاتمی اپنے ہندوستان کے دورے کے دوران بحیرہ ہند کے ساحلی ممالک کے وزرائے دفاع کی کانفرنس میں شرکت کریں گے۔

ایران کے وزیر دفاع اسی طرح بنگلورو میں دفاعی نمائیش کے افتتاحی پروگرام میں بھی شرکت کریں گے۔

وزیر دفاع کے اس دورے کا مقصد، اسلامی جمہوریہ ایران اور ہندوستان کے درمیان سیاسی، سیکورٹی اور دفاعی شعبوں میں تعاون میں توسیع ہے۔