SAHAR

ایران کے وزیر صحت نے اعلان کیا ہے کہ اندرون ملک تیار کی جانے والی مختلف قسم کی کورونا ویکسین عنقریب مارکیٹ میں آجائیں گی۔

سعید نمکی نے کہا ہے کہ آئندہ اپریل مئی تک ایرانی ویکسین کا استعمال شروع کر دیا جائے گا۔ انھوں نے کہا کہ ایران میں ایران کوو برکت، پاستور، رازی کوو پارس اور فخرایک سمیت مختلف قسم کی کورونا ویکسین مکمل معیار کے مطابق تیار کی گئی ہیں جنھیں عالمی منڈیوں میں پیش کر دیا جائے گا۔

ایران کے وزیر صحت نے کہا کہ دنیا کے اسّی فیصد کورونا ویکسین کا سات ملکوں میں استعمال ہو رہا ہے۔ سعید نمکی نے تاکید کی کہ ایران میں وسیع پیمانے پر ویکسینیشن کا عمل جلد ہی شروع کردیا جائے گا۔