افغانستان میں تشدد اور جھڑپوں پر ایران کو گہری تشویش
Aug ۱۳, ۲۰۲۱ ۱۸:۰۸ Asia/Tehran
ایران کی وزارت خارجہ کے ترجمان نے افغانستان کی بگڑتی ہوئی صورتحال پر تشویش کا اظہار کرتے ہوئے عام شہریوں کی جان و مال کی حفاظت کو یقینی بنائے جانے کی ضرورت پر وزر دیا ہے۔
جمعے کے روز افغانستان کی صورتحال کے بارے میں بیان دیتے ہوئے ایران کی وزارت خارجہ کے ترجمان سعید خطیب زادہ نے پڑوسی ملک کے حالات پر گہری تشویش ظاہر کی۔ انہوں نے ہرات پر طالبان کے قبضے کے پیش نظر کہا کہ سفارت کاروں کی سلامتی اور سفارت خانوں اور غیر ملکی نمائندہ دفاتر کے تحفظ پر توجہ دی جانا چاہیے۔
سعید خطیب زادے نے کہا کہ ہم ہرات میں ایرانی قونصل خانے سے مکمل رابطے میں ہیں اور سفارتی عملے کی سلامتی کے معاملات کا جائزہ لے رہے ہیں۔
