SAHAR

ایران کی اعلی قومی سلامتی کونسل کے سیکریٹری علی شمخانی کا کہنا ہے کہ ایران ہمیشہ سے پڑوسیوں کا خیر خواہ رہا ہے۔

ایران کی اعلی قومی سلامتی کونسل کے سیکریٹری علی شمخانی نے ٹوئٹ کیا کہ اسلامی جمہوریہ ایران کبھی بھی پڑوسیوں کے لئے خطرہ نہیں رہا ہے۔

انہوں نے ٹوئٹ کیا کہ عظیم اور طاقتور ایران ہمیشہ سے ہی پڑوسیوں کا خیرخواہ رہا ہے اور وہ کبھی بھی پڑوسیوں کے لئے خطرہ نہیں رہا ہے۔

ان کا کہنا تھا کہ تمام مسائل، علاقائی ممالک کے تعاون سے حل ہو جائیں گے۔

علی شمخانی کا کہنا تھا کہ غیر ملکیوں کے اثر و رسوخ کا شیطنت اور تفرقہ انگیزی کے علاوہ کوئی نتیجہ سامنے نہیں آئے گا اور ہم اس حوالے سے اپنے پڑوسیوں سے ہوشیاری اور اس چيز سے دوری کی اپیل کرتے ہیں۔