صدر ایران کی ازبکستان کے صدر سے ملاقات، کامیاب دورے کے بعد ملک واپس لوٹے
Nov ۲۸, ۲۰۲۱ ۲۲:۵۰ Asia/Tehran
اسلامی جمہوریہ ایران کے صدر مملکت ڈاکٹر سید ابراہیم رئیسی نے ازبکستان کے صدر سے ملاقات اور گفتگو کی۔
ہمارے نمائندے کی رپورٹ کے مطابق اتوار کو ایران کے صدر سید ابراہیم رئیسی نے اقتصادی تعاون کی تنظیم ای سی او کے 15ویں سربراہی اجلاس کے موقع پر ازبکستان کے صدر شوکت میرضیایف سے ملاقات کی۔
اس ملاقات میں دونوں رہنماؤں نے دو طرفہ تعلقات میں توسیع اور متعدد علاقائی اور بین الاقوامی مسائل پر گفتگو کی۔
قابل ذکر ہے کہ صدر ایران سید ابراہیم رئیسی اقتصادی تعاون تنظیم ایکو کے پندرہویں سربراہی اجلاس میں شرکت کے لئے ترکمنستان کے صدر کی دعوت پر ہفتے کی شب دار الحکومت عشق آباد پہنچے جہاں ترکمن صدر قربان قلی بردی محمدوف نے ان کا پر جوش استقبال کیا تھا۔
صدر ایران اقتصادی تعاون تنظیم ایکو کے پندرہویں سربراہی اجلاس میں شرکت کے بعد اتوار کی شام ملک واپس لوٹ آئے۔
