SAHAR

فری اسٹائل کشتی کے ایشین مقابلوں میں ایران اب تک سونے کے تین تمغے جیتنے میں کامیابی حاصل کر چکا ہے۔

منگولیہ کے شہر اولان باٹور میں فری اسٹائل کشتی کے ایشین مقابلے جاری ہیں جہاں ہفتے کے روز پانچ وزن کی کیٹگری کے مقابلے ہوئے اور تین ایرانی پہلوان فائنل میں پہنچے۔

فائنل میں ستانوے کلوکرام کیٹگری کے مقابلے میں ایرانی پہلوان محمد حسین محمدیان نے منگولیا کے پہلوان باتزول اویلیسایخان کو شکست دے کر سونے کا تمغہ حاصل کیا۔ اس سے قبل پینسٹھ کلو گرام کی کیٹگری میں ایرانی پہلوان رحمان عموزاد خلیلی اور اناسی کلو گرام کی کیٹگری میں ایران کے پہلوان علی سواد کوہی نے اپنے اپنے حریفوں کو ہرا کر سونے کے تمغے حاصل کئے تھے۔