ایران کی غیرملکی تجارت میں تیرہ فیصد کا اضافہ
Sep ۲۸, ۲۰۲۲ ۱۹:۳۱ Asia/Tehran
ایران کی غیرملکی تجارت کی مالیت 50 ارب ڈالر تک پہنچ گئی
ایران کے محکمہ کسٹم نے اعلان کیا ہے کہ رواں مالی سال کے ابتدائی چھے مہینے کے دوران ایران کے غیرملکی تجارت کا حجم چھے کروڑ اسّی لاکھ ٹن سے زیادہ رہا ہے۔ اس دوران پانچ کروڑ بیس لاکھ ٹن سے زیادہ مصنوعات برآمد کی گئیں جس کی مالیت چوبیس ارب پچیس کروڑ ڈالر رہی۔
رپورٹ کے مطابق برآمدات میں تیرہ فیصد سے زیادہ اضافہ دکھائی دے رہا ہے۔
رپورٹ کے مطابق، اس دوران ایران کی درآمدات ایک کروڑ ساٹھ لاکھ ٹن سے زیادہ رہیں جن میں تقریبا پندرہ فیصد کمی دکھائی دے رہی ہے۔ چین، عراق، متحدہ عرب امارات، ترکی اور ہندوستان ایران کی اہم برآمدی مارکیٹوں میں شمار ہوتے ہیں۔
