SAHAR

ایران کے سو میٹر ریس کے چیمپیئن حسن تفتیان نے جمیکا میں تربیتی کیمپ کے دوران ایک بین الاقومی مقابلے میں شرکت کی اور سو میٹر ریس میں پہلی پوزیشن حاصل کی۔

سحرنیوز/ایران: ایران میں سو میٹر ریس کے ریکارڈ ہولڈر اور ایشیائی مقابلوں میں گولڈ میڈل حاصل کرنے والے حسن تفتیان ان دنوں تربیتی کیمپ میں شرکت کے لیے جمیکا گئے ہوئے ہیں۔

حسن تفتیان نے اس کیمپ کے دوران جمیکا کے بین الاقوامی مقابلوں میں شرکت کی اور سو میٹر ریس جیتنے میں کامیابی حاصل کی۔

ارنا کی رپورٹ کے مطابق ایران کے تیز ترین ایتھلیٹ نے دس اعشاریہ دو چار سیکنڈ میں سو میٹر کا فاصلہ طے کر کے پہلی پوزیشن حاصل کی۔ انھوں نے تربیتی کیمپ کے دوران اپنے گذشتہ مقالبے میں سو میٹر کا فاصلہ دس اعشاریہ ایک چھے سیکنڈ میں طے کیا تھا اور دوسرے نمبر پر رہے تھے۔