SAHAR

اسلامی جمہوریہ ایران کے وزیر خارجہ نے کہا کہ ہم فلسطین کی حمایت کرتے ہیں اور اس سے کبھی انکار بھی نہیں کریں گے، لیکن الاقصیٰ طوفان آپریشن سے ایران کا کوئی تعلق نہیں ہے۔

سحرنیوز/ ایران :ایران کے وزیر خارجہ حسین امیرعبداللہیان نے سی این این نیوز چینل کو انٹرویو دیتے ہوئے کہا ہے کہ تہران کا الاقصیٰ طوفان آپریشن سے کوئی تعلق نہیں ہے۔انہوں نے واضح کیا کہ ہم فلسطین کی حمایت کرتے ہیں اور اس کی تردید بھی نہیں کرتے، لیکن ایران کا الاقصیٰ طوفان آپریشن سے کوئی تعلق نہیں ہے۔

ایران کے وزیر خارجہ نے کہا کہ سات اکتوبر کو جو کچھ ہوا وہ خود فلسطینیوں کا فیصلہ تھا۔"حسین امیرعبداللہیان نے یہ بیان بعض صہیونی حکام کے ان بیانات کے جواب میں دیئے ہیں کہ جس میں انہوں نے دعویٰ کیا تھا کہ الاقصیٰ طوفان آپریشن کے پیچھے ایران کا ہاتھ ہے۔