صدر ایران نے ارنا نیوز ایجنسی کی 90 ویں سالگرہ کے موقع پر اس کے کے مختلف شعبوں کا دورہ کیا
اسلامک ریپبلک نیوز ایجنسی (IRNA) کی 90 ویں سالگرہ کے موقع پر صدر ایران نے اس کے مختلف شعبوں کا دورہ کیا اور CEO، منیجرز، ایڈیٹرز، رپورٹرز، کیمرہ مین اور دیگر عملے سے ملاقات اور گفتگو کی۔
سحرنیوز/ایران: صدر ایران مسعود پزشکیان نے آج صبح (1مارچ ) 2025 کو ارنا نیوز ایجنسی کی 90 ویں سالگرہ کے موقع پر میڈیا ہاوس کے مختلف شعبوں کا دورہ کیا۔ صدر ایران نے ارنا کے CEO حسین جابری انصاری، منیجرز، ایڈیٹرز، رپورٹرز، کیمرہ مین اور ارنا سے متعلقہ عملے سے بھی ملاقات اور صحافیوں کے ساتھ خوشگوار ماحول میں بات چیت کی۔90 ویں سالگرہ کے اس موقع پر یادگاری ڈاک ٹکٹ اور ارنا کی تاریخ پر مبنی کتاب کی نقاب کشائی کی گئی۔ پارس ایجنسی کے نام سے ایک دفتر 1934 وزارت خارجہ میں قائم کیا گیا تھا۔ یہ دفتر فارسی اور فرانسیسی زبان میں صبح اور شام کو ملکی و غیر ملکی حکام اور خبر رساں ایجنسیوں اور اخبارات کو خبریں ارسال کرتا تھا۔ مزید برآں ارنا کے فرانسیسی خبر رساں ایجنسی، رائٹرز، ایسوسی ایٹڈ پریس، یونائیٹڈ پریس، اور اناطولیہ کے ساتھ خبروں کے معاہدے تھے۔ پارس ایجنسی 1934 سے مختلف زبانوں میں خبر رساں ایجنسیوں، ریڈیو، ٹیلی ویژن اور پریس کی خبروں کا ترجمہ اور اشاعت کر رہی ہے۔ اسلامی انقلاب کے بعد 1980 میں ایک نئے دور کا آغاز ہوا اور ایجنسی کا نام تبدیل کر کے اسلامی جمہوریہ نیوز ایجنسی (IRNA) رکھ دیا گیا۔
