اقرا کوئز 2025 کی ونرز کا اعلان ہو گیا
گزشتہ برس کی طرح اس سال بھی اقرا بین الاقوامی قرآنی مقابلے کی سائڈ لائن پر خواتین سے مخصوص ایک ضمنی کوئز کا اہتمام کیا گیا۔
سحرنیوز/ایران: سحر اردو ٹی وی کی جانب سے ماہ رمضان کے دوران پانچویں بین الاقوامی قرآنی مقابلے اقرا کی سائڈ لائن پر خواتین کے لئے اقرا کوئز ۲۰۲۵ رکھا گیا جس میں مختلف ممالک سے اردو زبان خواتین نے شرکت کی۔ کوئز میں قرآنی مفاہیم سے مزید آشنا اور مانوس ہونے کے مقصد سے ماہ رمضان کے دوران مجموعی طور پر 14 قرآنی سوال پوچھے گئے۔ سبھی سوالوں کا صحیح جواب دینے والی خواتین کے درمیان سے آن ایئرقرعہ اندازی کے ذریعے درج ذیل 5 خوش نصیب ونرز 100 یورو کی حقدار قرار پائیں:
1۔جاویداں زہرا زیدی (ہندوستان/6393160091)
2۔ گلزار فاطمہ (ہندوستان/ 0091938358)
3۔ شمامہ زہرا (ہندوستان/0098939741)
4۔ ثنا امجد (پاکستان/ 0092338194)
5۔طاہرہ بتول (ہندوستان/0091994446)
کوئز کے سوالات اور انکے صحیح جوابات درج ذیل ہیں:
سوال نمبر 1: سورہ مریم کی آیات ۳۱ اور ۳۲ میں اللہ تعالیٰ نے اپنے نبی جناب عیسیٰ (ع) کو کن باتوں کا حکم دیا؟
۱۔ نماز، روزہ، والدین کے ساتھ نیکی
۲۔ نماز، زکات اور سلام کرنا
۳۔ نماز، زکات، والدہ کے ساتھ نیکی
۴۔ نماز، روزہ، زکات، انسانوں کے ساتھ مہربانی
صحیح آپشن ہے: ۳۔ نماز، زکات، والدہ کے ساتھ نیکی
سوال نمبر 2: حجاب کا لفظ قرآن کریم کی کتنی آیات میں ذکر ہوا ہے اور کیا نامحرم سے پردے کے حکم کا ذکر ان آیات میں کیا گیا ہے؟
۱۔ ۷ آیات میں، نہیں ہوا ہے
۲۔ ۱۳ آیات میں، ہوا ہے
۳۔ ۷ آیات میں، ہوا ہے مگر سب میں نہیں
۴۔ ۵ آیات میں، نہیں ہوا ہے
صحیح آپشن ہے: ۱۔ ۷ آیات میں، نہیں ہوا ہے
سوال نمبر 3: سورہ احزاب کی آیت ۳۲ میں اللہ نے ازواج النبی (ص) کو مخاطب فرما کر کیا ہدایت فرمائی ہے؟
۱۔ پرہیزگار بنیں، اچھی باتیں کریں
۲۔ پرہیزگار بنیں، نامحرم سے زیادہ بات نہ کریں
۳۔ غیروں (نامحرموں) سے نازک اور نرم لہجے میں بات نہ کریں
۴۔ نامحرموں سے بات ہی نہ کریں
صحیح آپشن ہے: ۳۔ غیروں (نامحرموں) سے نازک اور نرم لہجے میں بات نہ کریں
سوال نمبر 4: اللہ نے خواتین میں کس کی شرم و حیا کو سراہتے ہوئے اُس کا ذکر قرآن کریم میں کیا ہے اور کس آیت میں؟
۱۔ جناب مریم (ع)، سورہ مریم کی آیت ۸
۲۔ جناب آسیہ (ع)، سورہ قصص کی آیت ۲۰
۳۔ ازواج النبی (ص)، سورہ احزاب کی آیت ۳۵
۴۔ دختران حضرت شعیب (ع)، سورہ قصص کی آیت ۲۵
صحیح آپشن ہے: ۴۔ دختران حضرت شعیب (ع)، سورہ قصص کی آیت ۲۵
سوال نمبر 5: سورہ مبارکہ مومنون کی ابتدائی آیات (ایک سے ۱۰ تک) میں صاحبان ایمان کی کتنی خصوصیات کا ذکر ہوا ہے؟
۱۔ ۸ عدد
۲۔ ۶ عدد
۳۔ ۹ عدد
۴۔ ۵ عدد
صحیح آپشن ہے: ۲۔ ۶ عدد (البتہ اس سوال کا غلط جواب دینے والی خواتین کو بھی قرعہ اندازی میں شامل کیا گیا ہے )
سوال نمبر 6: اگر تمہارے لئے دنیا کی خواہشات اللہ، رسول اور جہاد فی سبیل اللہ سے زیادہ محبوب ہیں تو پھر اللہ کے فیصلے کا انتظار کرو، یہ انتباہ کس آیت میں دیا گیا ہے؟
۱۔ سورہ توبہ، آیت ۲۴
۲۔ سورہ منافقون، آیت ۴
۳۔ سورہ مومنون، آیت ۱۷
۴۔ سورہ یونس، آیت ۲۵
صحیح آپشن ہے: ۱۔ سورہ توبہ، آیت ۲۴
سوال نمبر7: انسانی اور اسلامی قدر و منزلت کے لحاظ سے مرد اور خاتون میں کوئی فرق نہیں ہے، یہ کس آیت کا مفہوم ہے؟
۱۔ سورہ یٰس کی آیت ۳۶
۲۔ سورہ قصص کی آیت ۹
۳۔ سورہ ذاریات کی آیت ۴۹
۴۔ سورہ احزاب کی آیت ۳۵
صحیح آپشن ہے: ۴۔ سورہ احزاب کی آیت ۳۵
سوال نمبر 8: سورۂ نساء کی آیت ۷ کے پیش نظر کون سا آپشن درست ہے؟
۱۔ والدین کو اختیار ہے کہ وہ لڑکا یا لڑکی، جس کو چاہیں اپنی میراث دے دیں
۲۔ مرد ہو یا خاتون، اللہ نے دونوں کے لئے میراث میں حق قرار دیا ہے جس کی ادائگی لازمی ہے
۳۔ میراث میں مرد کا حق بنتا ہے، مگر خاتون اگر مطالبہ کرے تو اُسے بھی دی جا سکتی ہے
۴۔ بہتر ہے کہ مرد کے ساتھ ساتھ خاتون کو بھی میراث دے دی جائے
صحیح آپشن ہے: ۲۔ مرد ہو یا خاتون، اللہ نے دونوں کے لئے میراث میں حق قرار دیا ہے جس کی ادائگی لازمی ہے
سوال نمبر9: کس گناہ کو آگ کھانے سے تعبیر کیا گیا ہےاور کس آیت میں؟
۱۔ مال یتیم کو ہڑپنا، سورۂ نساء آیت ۱۰
۲۔ رشوت لینا، سورۂ لقمان آیت ۹
۳۔ غیبت، سورۂ حجرات آیت ۱۲
۴۔ ۱ اور ۲ درست ہیں
صحیح آپشن ہے: ۱۔ مال یتیم کو ہڑپنا، سورۂ نساء آیت ۱۰
سوال نمبر10: اللہ تعالیٰ نے سورۂ تحریم میں کفار اور مومنین کے لئے کن خواتین کو بطور مثال پیش کیا ہے؟
۱۔ ہمسر فرعون کو کفار اور ہمسر لوط کو مومنین کے لئے
۲۔ ہمسر فرعون اور جناب مریم (ع) کو کفار اور جناب نوح و جناب لوط (ع) کی ازواج کو مومنین کے لئے
۳۔ جناب نوح (ع) اور جناب لوط (ع) کی ازواج کو کفار اور ہمسر فرعون اور جناب مریم (ع) کو مومنین کے لئے
۴۔ ہمسر فرعون اور جناب مریم (ع)، کفار اور مومنین سب کے لئے بطور مثال پیش کی گئی ہیں
صحیح آپشن ہے: ۳۔ جناب نوح (ع) اور جناب لوط (ع) کی ازواج کو کفار اور ہمسر فرعون اور جناب مریم (ع) کو مومنین کے لئے
سوال نمبر 11: خطاکار بندوں کے لئے سب سے زیادہ پرامید آیت کون سی ہے؟
۱۔ سورۂ زمر کی آیت ۱۰
۲۔ سورۂ ابراہیم کی آیت ۳۱
۳۔ سورۂ زمر کی آیت ۵۳
۴۔ سورۂ اعراف کی آیت ۳۲
صحیح آپشن ہے: ۳۔ سورۂ زمر کی آیت ۵۳
سوال نمبر 12: اللہ نے کن افراد کو شیطان کا بھائی بتایا ہے اور کس آیت میں؟
۱۔ فضول خرچی کرنے والوں کو، سورۂ اسرا آیت ۲۷
۲۔ دھوکہ دینے والوں کو، سورۂ نور آیت ۶۱
۳۔ وعدہ خلافی کرنے والوں کو، سورۂ احزاب آیت ۱۸
۴۔ منافقین، سورۂ حشر آیت ۱۱
صحیح آپشن ہے: ۱۔ فضول خرچی کرنے والوں کو، سورۂ اسرا آیت ۲۷
سوال نمبر13: سورۂ روم کی آیت ۲۱ ہمیں کیا پیغام دیتی ہے؟
۱۔ میاں بیوی کا آپسی رشتہ اللہ کی ایک نشانی ہے
۲۔ میاں بیوی کے درمیان الفت و محبت قائم کرنا اللہ کا کام ہے
۳۔ زوجہ کو اللہ نے باعث سکون بنایا ہے
۴۔ سبھی آپشن درست ہیں
صحیح آپشن ہے: ۴۔ سبھی آپشن درست ہیں
سوال نمبر14: سورۂ مائدہ کی آیت ۸۲ کے پیش نظر صاحبان ایمان کو سب سے زیادہ کس کی دشمنی کا سامنا ہوتا ہے؟
۱۔ کفار اور مشرکین
۲۔ یہودی اور مشرکین
۳۔ کفار اور نصاریٰ
۴۔ کفار، مشرکین، صہیونی اور نصاریٰ
صحیح آپشن ہے: ۲۔ یہودی اور مشرکین
