SAHAR

ایران اور ترکمانستان کے درمیان ریلوے لائن کے ذریعے سامان کی ٹرانزٹ کی گنجائش بڑھانے پر اتفاق کیا گیا ہے۔

سحرنیوز/ایران:اسلامی جمہوریہ ایران کے محکمہ ریلوے کے مینیجنگ ڈائریکٹر نے بتایا ہے کہ دونوں ملکوں نے ٹرین کے ذریعے سامان کی منتقل اور ٹرانزٹ کی گنجائش بڑھا کر سالانہ چالیس لاکھ ٹن تک پہنچانے پر اتفاق کیا ہے۔

انھوں نے بتایا کہ یہ فیصلہ ایران اور ترکمانستان کے اٹھارھویں مشترکہ اقتصادی کمیشن کے اجلاس میں کیا گیا ہے۔

یاد رہے کہ ایران اور ترکمانستان کے مشترکہ اقتصادی کمیشن کا اٹھارواں اجلاس سترہ سے بیس مئی تک تہران میں منعقد ہوا۔

اس اجلاس میں تہران اور عشق آباد کے درمیان تجارت کی سطح دو ہزار اٹھائیس تک تین ارب ڈالر کی سطح تک لے جانے پر اتفاق کیا گیا ہے۔