خصوصی تدابیر کے بعد ہی جوہری تنصیبات کے معائنے کی اجازت دیں گے؛ ایرانی ایٹمی ایجنسی کے سربراہ
ایرانی ایٹمی ایجنسی کے سربراہ نے امریکہ اور مغرب پر آئی اے ای اے کو سیاسی مفادات کے لیے استعمال کرنے الزام لگاتے ہوئے کہا کہ ایران خصوصی تدابیر کے بعد ہی جوہری تنصیبات کے معائنے کی اجازت دے گا۔
سحرنیوز/ایران: ایرانی جوہری ادارے کے سربراہ محمد اسلامی نے کہا ہے کہ امریکہ اور مغرب عالمی جوہری ایجنسی کو اپنے سیاسی اور ذاتی مفادات کے لیے استعمال کر رہے ہیں، جبکہ اسرائیل اور امریکہ کی جانب سے ایران پر حملوں کی مذمت نہ کرنا عالمی ایجنسی کی ایک ناقابل معافی غلطی ہے۔اسلامی نے کہا کہ امریکی اور صہیونی حملوں کے بعد ایران کی ایٹمی تنصیبات پہلی بار عالمی سیف گارڈ نظام کے تحت نشانہ بنی ہیں۔
انہوں نے کہا کہ جب تک خصوصی تدابیر اختیار نہیں کی جاتیں، ایران آئی اے ای اے کو مکمل معائنے کی اجازت نہیں دے سکتا۔سربراہ توانائی اٹمی نے مغربی ممالک پر شدید تنقید کرتے ہوئے کہا کہ امریکہ جوہری ایجنسی کو دھمکاتا ہے کہ اگر اسرائیل کے خلاف قرارداد پیش ہوئی تو ادارے کے بجٹ میں کٹوتی کی جائے گی۔ اس موقف کی وجہ سے عالمی سطح پر ایجنسی کی ساکھ کو نقصان پہنچ رہا ہے۔
