SAHAR

اقوام متحدہ کے سیکریٹری جنرل بان کی مون نے اس بات کا اعتراف کیا ہے کہ شام میں داعش دہشت گرد گروہ کے ٹھکانوں پر روسی فوج کے حملے دمشق حکومت کی درخواست پر انجام پائے ہیں۔

اقوام متحدہ کے سیکریٹری جنرل بان کی مون نے شام میں داعش دہشت گرد گروہ کے ٹھکانوں پر روسی فضائیہ کے حملوں پر اپنے ردعمل کا اظہار کرتے ہوئے کہا ہے کہ یہ حملے، شام کی درخواست پر انجام پائے ہیں۔

 اقوام متحدہ کے سیکریٹری جنرل نے شام میں روس اور امریکہ کے درمیان ممکنہ ٹکراؤ پر اپنی گہری تشویش کا بھی اظہار کیا۔

واضح رہے کہ روس نے گذشتہ بدھ کے روز سے، حکومت دمشق کی درخواست پر بین الاقوامی قوانین پر عمل کرتے ہوئے شام میں داعش دہشت گرد گروہ کے ٹھکانوں پر شدید بمباری شروع کی ہے جس میں اس دہشت گرد گروہ کو شدید نقصان پہنچا ہے۔

 دوسری جانب روس کے نائب وزیر خارجہ میخائل بوگدانف نے کہا ہے کہ ان کا ملک، ترکی کی اس تجویز کا مخالف ہے کہ شام میں نو فلائی زون قائم کیا جائے۔