SAHAR

شام کے امور میں اقوام متحدہ کے سیکریٹری جنرل کے خصوصی نمائندے نے اس ملک میں جنگ بندی کی اپیل کی ہے۔

فرانس پریس کی رپورٹ کے مطابق شام کے امور میں اقوام متحدہ کے سیکریٹری جنرل کے خصوصی نمائندے اسٹیفن دی مستورا نے پیر کے دن یہ بات زور دے کر کہی کہ آج شام میں، تشدد کی روک تھام اور جنگ بندی عمل میں لائے جانے کی بہت ضرورت ہے-

اسٹیفن دی مستورا نے شام کے دورے کے اختتام پرایک پریس کانفرنس میں مزید کہا کہ اہم بات یہ ہے کہ شام کے بحران کے حل میں اس ملک کے تمام شہریوں کو شرکت کرنی چاہئے۔ شام کے امور میں اقوام متحدہ کے سیکریٹری جنرل کے خصوصی نمائندے نے اپنے دورہ دمشق کے موقع پر شام کے وزیر خارجہ ولید المعلم سے ملاقات اور سترہ ممالک کی شرکت کے ساتھ ویانا میں بلائے جانے والے اجلاس کے بارے میں گفتگو کی۔