SAHAR

افغان طالبان نے صوبہ بدخشان کے ایک اور شہر پر قبضہ کرلیا ہے۔

افغانستان کی وزارت دفاع نے صوبہ بدخشاں کے شہر یمگان پر طالبان کا قبضہ ہوجانے کی تصدیق کردی ہے۔

افغان وزارت دفاع کے ترجمان دولت وزیری نے کہا ہے کہ فوج نے یمگان شہر اور صوبے کے دیگر علاقوں سے طالبان کو باہر نکالنے کے لئے آپریشن شروع کردیا ہے۔

انہوں نے کہا کہ یمگان شہر پر قبضے میں غیر ملکی عناصر نے اہم کردار ادا کیا ہے۔

ایک سال میں یہ تیسری بار ہے جب طالبان نے یمگان شہر پر قبضہ کیا ہے۔

یمگان سے پہلے، صوبہ بدخشا کے شہر وردوج پر بھی طالبان نے قبضہ کرلیا تھا۔ پچھلے چند روز کے دوران صوبے کے دو دیگر شہروں بہارک اور شہدا میں بھی طالبان اور افغان سیکوٹی فورس کے درمیان جھڑپوں کی خبریں ملتی رہی ہیں۔