یمنی فوج نے سعودی عرب کے سرحدی علاقے میں سعودی فوجی ٹھکانوں پر توپ کے گولے برسا کر متعدد سعودی فوجیوں کو ہلاک کردیا ہے ۔

المسیرہ ٹیلی ویژن چینل نے خبردی ہے کہ یمنی فوج نے سعودی عرب کے سرحدی شہر جیزان میں سعودی فوجی ٹھکانوں پرتوپخانے سے حملہ کرکے کئی سعودی فوجیوں کو موت کے گھاٹ اتار دیا ہے -

دوسری جانب سعودی عرب کے الخوبہ اور المعطن علاقوں میں بھی سعودی فوجی ٹھکانوں پر یمنی فوج کے میزائلی حملے میں متعدد سعودی فوجی ہلاک اور زخمی ہوگئے ہیں - ان حملوں کے دوران سعودی فوج کی کئی گاڑیاں اور بکتر بندگاڑیاں بھی تباہ ہوگئی ہیں-