عراق: صلاح الدین میں دہشت گردوں کا ایک اہم سرغنہ ہلاک ہو گیا
Feb ۱۴, ۲۰۱۶ ۱۴:۵۸ Asia/Tehran
عراقی فضائیہ نے شمالی صوبے صلاح الدین کے مغرب میں حملہ کر کے دہشت گردوں کے کئی کمانڈروں کو ہلاک کر دیا۔
عراقی فضائیہ نے صوبہ صلاح الدین میں اسپائیکر فوجی چھاؤنی کے مغرب میں دہشت گرد گروہ داعش کے ٹھکانے پر بمباری کی۔
اس بمباری میں علاقے میں داعش کا سب سے بڑا سرغنہ اور اس کے کئی اہم ساتھی ہلاک ہو گئے۔ اس درمیان صوبہ الانبار کے آپریشنل کمانڈر احمد الدیلمی نے بھی کہا ہے کہ الرمادی کے شمال میں داعش کے ٹھکانوں پر ہوائی حملے میں کم سے کم بیس دہشت گرد ہلاک ہو گئے جبکہ الرمادی کے شمال مشرق کے البو ذیاب علاقے میں دہشت گردوں کے دو ٹھکانے تباہ ہو گئے۔
