SAHAR

جمعے کے روز غزہ اور غرب اردن میں فلسطینیوں اور اسرائیلی فوجیوں کے درمیان جھڑپ میں ایک فلسطینی شہید اور بارہ دیگر فلسطینی زخمی ہوگئے

العالم کی رپورٹ کے مطابق اسرائیلی فوجیوں نے ایک فلسطینی جوان کو جنوبی بیت لحم میں گولی مار کر شہید کردیا-

فلسطین کی وزارت صحت نے بھی ایک بیان جاری کرکے اس بات کی تصدیق کی ہے کہ یہ اکیس سالہ جوان جس کا نام احمد ابو فنونہ تھا اور الخلیل کا رہنے والا تھا، اسرائیلی فوج کی فائرنگ کے نتیجے میں بیت لحم میں شہید ہوگیا-

اسی طرح فلسطین کی وزارت صحت کے ترجمان اشرف القدرہ نے کہا ہے کہ بارہ فلسطینی غرب اردن اور غزہ میں صیہونی فوجیوں کی فائرنگ سے زخمی بھی ہوئے ہیں-