SAHAR

لبنانی فوج نے سرحدی قصبے عرسال میں تکفیری گروہوں کے خفیہ ٹھکانے پر گولہ باری کی ہے۔

ہمارے نمائندے کی رپورٹ کے مطابق لبنانی فوج نے ہفتے کی رات ایک بیان میں عرسال کے علاقے وادی العوینی میں دہشت گرد گروہوں کے ٹھکانے پر ہوائی حملے کی طرف اشارہ کرتے ہوئے کہا کہ اس حملے میں دہشت گردوں کا بہت سا فوجی سازوسامان اور گولہ بارود تباہ ہو گیا جبکہ بہت سے دہشت گرد ہلاک اور زخمی ہو گئے۔

لبنانی فوج نے اس سے قبل عرسال کے علاقے میں داعش کے ایک سرغنہ فائز الشعلان کی کہ جو ابوالفوز کے نام سے مشہور تھا، ہلاکت کی خبر دی تھی۔

لبنان کا عرسال علاقہ شام کی سرحد کے قریب واقع ہے اور داعش اور جبہۃ النصرہ کے دہشت گرد اس علاقے کی سرحدی پٹی میں موجود ہیں۔