چار مصری فوجیوں کی ہلاکت
May ۲۷, ۲۰۱۶ ۲۱:۰۶ Asia/Tehran
مصر کے شمالی علاقے سینا میں ایک بم دھماکے میں چار مصری فوجی ہلاک ہوگئے ہیں
مصری صوبے شمالی سینا میں ایک سیکورٹی عہدیدار نے اپنا نام ظاہر نہ کرنے کی شرط پر بتایا کہ شیخ زوید کے علاقے میں مصری فوج کی بکتربندگاڑی کے راستے میں ایک زوردار بم دھماکے سے چار مصری فوجی ہلاک ہو گئے-
مذکورہ سیکورٹی عہدیدار کا کہنا ہے کہ اس سے پہلے مصری فوج نے شدت پسندوں کے ٹھکانوں پر کارروائی کے دوران ان کی چارگاڑیوں اور دس خفیہ ٹھکانوں کو تباہ کر دیا -
واضح رہے کہ مصری فوج نے اس علاقے میں شدت پسندوں کی سرگرمیوں میں اضافے کے بعد سیکورٹی تدابیر سخت کر دی ہیں - اور مصری پارلیمنٹ نے بھی شمالی سینا کے مختلف علاقوں منجملہ شیخ زوید میں ہنگامی حالت کے نفاذ کی مدت میں مزید توسیع کر دی ہے -
