SAHAR

افغانستان کے صوبہ اروزگان میں طالبان نے حملہ کرکے کم سے کم گیارہ افغان فوجی اہلکاروں کو ہلاک کر دیا ہے

افغانستان کے صوبہ اروزگان کےحکام کا کہنا ہے کہ طالبان کے افراد نے صوبہ اروزگان کے علاقے دہراود میں واقع فوجی اڈے پر حملہ کر کے گیارہ افغان فوجی اہلکاروں کو ہلاک اور بارہ دیگر کو یرغمال بنالیا ہے -

طالبان کے افراد اس فوجی اڈے سے بڑی مقدار میں ہتھیار اور گولہ بارود بھی لوٹ کر لے گئے ہیں -

افغانستان کے دہراود فوجی اڈے پر طالبان کے حملے کی ایک مقامی عہدیدار امین اللہ خالقی نے تصدیق کی ہے تاہم انہوں نے واقعے کی تفصیلات بتانے سے انکار کر دیا ہے- طالبان نے ایک بیان جاری کر کے اس حادثے کی ذمہ داری قبول کی ہے -