عالمی سیکیورٹی اقدام نے امریکا اور اسرائیل کو مشکل میں ڈال دیا ہے : حماس

Feb ۲۰, ۲۰۲۶ ۱۵:۵۰ Asia/Tehran

فلسطین کی اسلامی مزاحمتی تحریک حماس کے ایک رہنما نے اعلان کیا ہے کہ بین الاقوامی استحکام فورس کی تشکیل اور اس سے متعلق تحفظات نے امریکی حکومت اور غاصب صیہونی حکومت کو تعطل کا شکار بنا دیا ہے

سحرنیوز/عالم اسلام: تحریک حماس کے رہنما محمد نزال نے الجزیرہ مباشر کو انٹرویو دیتے ہوئے کہا کہ غاصب صیہونی حکومت، جو کچھ دو سال کی نسل کشی کی جنگ میں حاصل نہیں کر سکی اب وہ دوسروں کے ذریعے حاصل کرنا چاہتی ہے۔حماس کے اس سینئر رہنما نے اس بات پر بھی زور دیا کہ جن ممالک نے بین الاقوامی استحکام فورس میں شامل ہونے کے لئے اپنی آمادگی کا اعلان کیا ہے انھوں نے اس فورس کے غاصب صیہونی حکومت کی پولیس فورس میں تبدیل ہونے کی کھلی مخالفت کی ہے۔

اس سلسلے میں تحریک حماس کے ترجمان حازم قاسم نے بھی واشنگٹن میں غزہ امن کونسل کے نام نہاد اجلاس پر ردعمل ظاہر کرتے ہوئے سیاسی بیانات سے عملی اقدامات کی طرف جانے کی ضرورت پر زور دیا ہے۔

ہمیں فالو کریں:

قاسم حازم نے گزشتہ مہینوں میں صیہونی حکومت کی بار بار کی خلاف ورزیوں کا ذکر کرتے ہوئے کہا کہ جنگ بندی پر عمل درآمد کے بعد کے تجربے سے پتہ چلتا ہے کہ صیہونی حکومت اس طرح کے موقف اور بیانات کو اس وقت تک اہمیت نہیں دے گی جب تک کہ اس پر حقیقی اور عملی دباؤ نہ ڈالا جائے۔