ہندوستان ؛ سماجوادی کا ٹرمپ کے بیان پر ردعمل، مرکزی حکومت سے فوری وضاحت کا مطالبہ

Feb ۲۰, ۲۰۲۶ ۱۶:۲۸ Asia/Tehran

ہندوستان کی سماجوادی پارٹی کے صدر اکھلیش یادو نے امریکی صدر ڈونالڈ ٹرمپ کے حالیہ بیان اور امریکہ کے ساتھ تجارتی ڈیل کے معاملے پر مرکزی حکومت کو ہدف تنقید بناتے ہوئے فوری وضاحت طلب کی ہے۔

سحرنیوز/ہندوستان: سماج وادی پارٹی کے صدر اکھلیش یادو نے سوشل میڈیا پلیٹ فارم ایکس پر امریکی صدر کے بیان کا حوالہ دیتے ہوئے سوال اٹھایا کہ آخر اس دن کیا ہوا تھا۔ انہوں نے کہا کہ کیا امریکہ کے ساتھ ڈیل نے منہ پر مہر لگا دی ہے؟ یا تو صاف طور پر بتایا جائے کہ حقائق کیا ہیں یا پھر بیرونی مداخلت کے دعوؤں کو واضح طور پر مسترد کیا جائے۔ ان کا کہنا تھا کہ بھارتیہ جنتا پارٹی کی سیاست نے کیا اب خودمختاری کو بھی گروی رکھ دیا ہے۔

ہمیں فالو کریں:

انہوں نے مطالبہ کیا کہ مرکزی حکومت کھل کر اپنا موقف پیش کرے تاکہ کسی بھی طرح کی قیاس آرائیوں کا خاتمہ ہو سکے اور عوام کو سچائی معلوم ہو۔واضح رہے کہ امریکی صدر ڈونالڈ ٹرمپ نے دعویٰ کیا ہے کہ آپریشن سندور کے دوران ہندوستان اور پاکستان کے درمیان کشیدگی کے وقت ہندوستان کے گیارہ جیٹ طیارے گر گئے تھے۔ انہوں نے یہ بھی کہا کہ بھاری ٹیرف کی دھمکی دے کر جنگ کو ٹالا گیا تھا اور حالات نہایت خطرناک ہو چکے تھے۔ ٹرمپ کے اس بیان کے بعد ہندوستان کی سیاست میں ہلچل تیز ہوگئی ہے اور اپوزیشن جماعتیں مرکزی حکومت سے جواب طلب کر رہی ہیں۔