SAHAR

شام کے وزیراعظم وائل الحلقی نے زینبیہ کے علاقے میں دہشت گردانہ حملے کی مذمت کی ہے

شام کے وزیراعظم وائل الحلقی نے کابینہ کے اجلاس میں سیدہ زینب سلام اللہ علیھا کےحرم کے قریب دہشت گردانہ بم دھماکوں کی مذمت کرتے ہوئے کہا کہ اس طرح کے بم دھماکے کرنے کا دہشت گردوں کا مقصد شامی فوج کی کامیابیوں سے لوگوں کی توجہ ہٹانا ہے-

شام کے وزیراعظم نے ان دھماکوں کا ذمہ دار دہشت گردی کے سرکاری حامیوں ترکی، سعودی عرب اور قطر کو قرار دیا اور عالمی برادری سے کہا کہ وہ دہشت گردی کے لئے مالی حمایت کے راستوں کو بندکرائے-

ہفتےکو دمشق کے مضافاتی علاقے زینبیہ میں جہاں جناب زینب سلام اللہ علیھا کا حرم واقع ہے دو دہشت گردانہ بم دھماکوں میں کم سے کم بیس افراد جاں بحق اور درجنوں دیگر زخمی ہوگئے- بتایا جاتا ہے کہ زخمیوں میں متعدد افراد کی حالت نازک ہے- ان دہشت گردانہ حملوں کی ذمہ داری دہشتگرد گروہ داعش نے قبول کی ہے-