ترکی فوج کے ہیلی کاپٹر کی یونان میں لینڈنگ
Jul ۱۶, ۲۰۱۶ ۱۷:۳۳ Asia/Tehran
ترک فوج کے ایک بلیک ہاک ہیلی کاپٹر نے یونان کے شمال میں لینڈنگ کی ہے۔
یونانی حکام کے مطابق ہفتے کے روز شمالی یونان کے علاقہ الیگزینڈروپولی میں لینڈ کرنے والے ترک فوج کے ہیلی کاپٹر میں آٹھ فوجی اہلکار سوار تھے جنہوں نے یونان میں سیاسی پناہ کی درخواست کی ہے۔
حکام کا کہنا ہے آٹھوں اہلکاروں کو غیر قانونی طور پر یونان میں داخل ہونے کے الزام میں گرفتار کر لیا گیا۔
ترکی کی وزارت خارجہ نے یونان سے مطالبہ کیا ہے کہ وہ باغی فوجی اہلکاروں کو اس کے حوالے کر دے۔
ترکی میں جمعے اور ہفتے کی درمیانی رات صدر رجب طیب اردوغان کی حکومت کے خلاف فوجی بغاوت ناکام ہو گئی تھی۔
ترکی میں ناکام فوجی بغاوت میں ایک سو چورانوے افراد ہلاک اور ایک ہزار سے زائد زخمی ہوئے ہیں جبکہ پندرہ سو سے زائد باغی فوجیوں کو گرفتار کر لیا گیا ہے۔
