ترکی کو فوجی پائلٹوں میں کمی کا سامنا
ناکام فوجی بغاوت کے بعد ترکی کو فوجی پائلٹوں میں کمی کا سامنا کرنا پڑ رہا ہے۔
ناکام فوجی بغاوت کے بعد فضائیہ میں بڑے پیمانے پر چھانٹی کے بعد ترکی میں جنگی طیاروں کے پائلٹوں میں کمی ہوگئی ہے۔ حالیہ ناکام فوجی بغاوت میں ترکی کی فضائیہ نے اہم رول ادا کیا تھا۔
کہاجاتا ہے کہ اپوزیشن رہمنا گولن کے حامیوں نے فضائیہ میں اچھا خاصا اثر و رسوخ پیدا کرلیا ہے۔ حکومت کی جانب سے فضائیہ میں تطہیر کے عمل اور بڑی تعداد میں پائلٹوں کی جانب سے استعفی دیئے جانے کے سبب ترک فضائیہ میں پائلٹوں کی تعداد کم ہوگئی ہے۔
ارنا کی رپورٹ کے مطابق ناکام فوجی بغاوت کے بعد دوسو اکتالیس پائلٹوں کو ان کی پیشہ ورانہ سرگرمیوں سے روک کر گھروں میں بٹھا دیا گیا ہے۔ جن پائلٹ افسران کو ان کی ملازمتوں سے برخاست کیا گیا ہے ان کی بڑی تعداد ایف سولہ طیاروں کے ساتھ آپریشن کرنے کی صلاحیت رکھتی ہے۔
مجموعی طور پر پندرہ جولائی کی ناکام فوجی بغاوت کے بعد مسلح افواج کے نو ہزار اہلکاروں کو برطرف کیا جاچکا ہے۔
