SAHAR

افغانستان کی وزرارت داخلہ نے کہا ہے کہ صوبہ قندوز میں افغان فوج کے حملے میں طالبان کا ایک اہم کمانڈر ہلاک ہو گیا ہے۔

آوا نیوز ایجنسی کی رپورٹ کے مطابق افغانستان کی وزارت داخلہ نے اعلان کیا ہے کہ افغان فوج کے جنگی طیاروں نے منگل کے روز صوبہ قندوز کے علاقے دشت ارچی میں طالبان کے ٹھکانوں پر حملہ کیا۔ اس حملے میں طالبان کے ایک اہم اور مشہور کمانڈر مولوی معاویہ سمیت بائیس دہشت گرد ہلاک ہو گئے۔

مولوی معاویہ کا صوبہ قندوز میں دہشت گردانہ حملوں کی منصوبہ بندی اور عوام کے قتل عام میں اہم کردار تھا۔