SAHAR

افغان طالبان نے دعوی کیا ہے کہ انھوں نے بگرام ایئر بیس پر حملہ کر کے بارہ امریکی فوجیوں کو ہلاک کر دیا ہے۔

ریڈیو تہران کی پشتو سروس کی رپورٹ کے مطابق افغان طالبان کے ترجمان ذبیح اللہ مجاہد نے بدھ کے روز کہا ہے کہ طالبان کے افراد نے بگرام ایئربیس کو اپنے حملے کا نشانہ بنایا ہے۔ اس حملے میں بارہ امریکی فوجی ہلاک ہوئے ہیں۔ ذبیح اللہ مجاہد کا کہنا تھا کہ بگرام ایئربیس پر حملے میں وہاں موجود دو امریکی ٹینک بھی تباہ ہو گئے۔