SAHAR

افغانستان کے اٹارٹی جنرل نے اس ملک میں خواتین اور بچوں پر تشدد کا سلسلہ بند کرنے کی ضرورت پر تاکید کی ہے

افغانستان کے اٹارنی جنرل محمد فرید عمیدی نے جمعرات کو کابل میں خواتین پر تشدد بند کرنے کے مفاہمتی نوٹ پر دستخط کی تقریب کے موقع پرکہا کہ افغانستان میں خواتین اور بچوں پر تشدد بند کرنے کا عزم موجود ہے- اور حکومت ، ملک کے تمام شہریوں کے لئے امن و تحفظ فراہم کرنے کے لئے پرعزم ہے- افغانستان کے اٹارنی جنرل نے مزید کہا کہ بعض رپورٹوں سے پتہ چلتا ہے کہ افغانستان ، خواتین اور بچوں کے لئے اچھی جگہ نہیں ہے لیکن اس ملک کے تمام حکام ، افغان خواتین اور بچوں کے لئے پرامن اور مطم‏ئن ماحول فراہم کرنے کی کوشش کررہے ہیں - محمد فرید عمیدی نے کہا کہ آئین کے مطابق افغانستان ایک جمہوری ملک ہے اور تمام افغان حکام کی کوشش ہے کہ تمام احکام ، شریعت کے مطابق ہوں-