لبنان کے مشرقی اور جنوبی علاقوں میں صیہونی فوج کا حملہ ، کم سے کم بارہ افراد شہید اور متعدد زخمی

Feb ۲۱, ۲۰۲۶ ۱۶:۰۸ Asia/Tehran

لبنان کے مشرقی اور جنوبی علاقوں میں صیہونی فوج کے حملوں کے نتیجے میں کم سے کم بارہ افراد شہید اور متعدد زخمی ہو گئے ، اس حملے کی ایران کی وزارت خارجہ نے سخت الفاظ میں مذمت کی ہے۔

سحرنیوز/عالم اسلام: لبنان کی خبر رساں ایجنسی کی رپورٹ کے مطابق صیہونی فوج کے حملوں میں لبنان کے مشرقی اور جنوبی علاقوں میں کم سے کم بارہ افراد شہید اور درجنوں زخمی ہو گئے۔ ان حملوں کو دوہزار چوبیس میں مزاحمتی تنظیم حزب اللہ کے ساتھ طے پانے والے جنگ بندی معاہدے کی خلاف ورزی قرار دیا جارہا ہے۔ رپورٹ کے مطابق لبنان کے مشرق میں واقع بقاع پر فضائی حملوں کے نتیجے میں بھی کم سے کم چھ افراد شہید اور تیس افراد زخمی ہوئے جنہیں علاقے کے مختلف اسپتالوں میں منتقل کیا گیا ہے ۔ ہمیں فالو کریں:

دوسری جانب ایران کی وزارت خارجہ کے ترجمان اسماعیل بقائی نے لبنان پر صیہونی حکومت کی جانب سے گزشتہ شب بقاع اور صیدا کے علاقے عین الحلوہ فلسطینی کیمپ پر حملوں کی شدید الفاظ میں مذمت کی ہے جس کے نتیجے میں چالیس سے زائد لبنانی اور فلسطینی شہری شہید اور زخمی ہوئے ہیں۔