افغان فورسز کی کارروائیاں، کم از کم بتیس طالبان ہلاک اور آٹھ زخمی
Dec ۱۱, ۲۰۱۶ ۱۹:۲۸ Asia/Tehran
افغانستان کے مختلف علاقوں میں افغان سیکورٹی فورسز کے حملوں میں دسیوں طالبان ہلاک ہو گئے ہیں۔
ہمارے نمائندے کی رپورٹ کے مطابق افغانستان کی وزارت دفاع نے ایک بیان میں اعلان کیا ہے کہ گذشتہ چوبیس گھنٹوں کے دوران ننگرہار، پکتیکا، پکتیا، غزنی، لوگر، کنڑ، قندھار، بادغیس، لغمان، فاریاب، قندوز، ہلمند، زابل اور ارزگان صوبوں میں افغان سیکورٹی فورسز کی کارروائیوں میں بتیس طالبان ہلاک ہو گئے ہیں۔ ان کارروائیوں میں آٹھ طالبان زخمی بھی ہوئے ہیں۔ افغانستان کی وزارت دفاع نے ان کارروائیوں میں سرکاری فوجیوں کے ممکنہ جانی نقصان کی طرف کوئی اشارہ نہیں کیا ہے۔
