SAHAR

عراقی دارالحکومت بغداد کے علاقے النہضہ میں ہونے والے بم دھماکے میں متعدد افراد جاں بحق اور زخمی ہوگئے ہیں

بغداد سے موصولہ خبروں کے مطابق بغداد کے النہضہ محلے کے ایک کار شوروم میں ہونے والے بم دھماکے میں چھے افراد جاں بحق اور بیس دیگر زخمی ہوگئے -

السومریہ نیوز کے مطابق بغداد کے ہی علاقے السعدون میں بھی ایک بم دھماکے میں ایک عام شہری جاں بحق اورمتعدد دیگر زخمی ہوگئے - اس سے پہلے پیر اور منگل کی درمیانی رات بغداد کے مشرقی محلے الطالبیہ میں کار بم دھماکے میں دس عام شہری جاں بحق اور زخمی ہوگئے تھے -

موصل اور عراق کے بعض مغربی علاقوں میں عراقی افواج کے ہاتھوں شکست کھانے کے بعد داعش کے عناصر نے عام شہریوں کو نشانہ بنانا شروع  کردیا اوراس کے لئے انہوں نے بغداد میں اپنی دہشت گردانہ کارروائیاں تیز کردی ہیں -