مشرقی حلب میں شامی فوج کی پیشقدمی
Mar ۲۲, ۲۰۱۷ ۱۸:۴۷ Asia/Tehran
شامی فوج نے مشرقی حلب میں ام عدسہ قصبے کو داعش کے قبضے سے آزاد کرانے کے ساتھ ہی دیر حافر میں داعش کی سپلائی لائن کاٹ دی ہے۔
العالم کی رپورٹ کےمطابق شامی فوج اوراستقامتی فورس نے بدھ کو دہشت گردوں کے ساتھ جنگ کے دوران مشرقی حلب میں ام عدسہ قصبے کو آزاد کرالیا۔
شامی فوج کی اس پیشقدمی کے نتیجے میں مسکنہ اور جنوبی قصبوں سے داعش کو کمک پہنچانے والے راستوں کو کاٹ دیا گیا ہے کیونکہ یہ علاقے حلب اور رقہ شاہراہ پر واقع ہیں۔
شامی فوج نے مشرقی حلب میں دیر حافر کے جنوب میں الشریمہ ، جنی السلامہ اور القصیر گاؤں کو بھی آزاد کرالیا ہے۔
شامی فوج اور اس کی اتحادی فورسز جنوب کی جانب پیشقدمی کرکے خود کو داعش کے گڑھ رقہ تک پہنچانے کی کوشش کررہی ہیں-
