SAHAR

داعش مخالف نام نہاد امریکی اتحاد کے طیاروں نے شام کے شمالی شہر رقہ میں بمباری کرکے کم سے کم پندرہ عام شہریوں کو جاں بحق کردیا ہے۔

 فارس خبررساں ایجنسی کی رپورٹ کے مطابق داعش مخالف نام نہاد امریکی اتحاد کے طیاروں نے اپنی جارحیت کا سلسلہ جاری رکھتے ہوئے رقہ میں پندرہ بے گناہ شامی باشندوں کو خاک و خون میں غلطاں اور لوگوں کے گھروں کو منہدم کردیا۔
امریکی اتحاد کے اس قسم کے اقدامات پر پورے شام میں امریکا کے خلاف شدید غم و غصہ پایا جارہا ہے۔
امریکی اتحاد کے طیاروں کے حملوں کی وجہ سے رقہ کے باشندوں کو اس وقت شدید غذائی قلت کا سامنا ہے جبکہ ان کے پاس پینے کا صاف پانی بھی نہیں ہے اور وہ بجلی سے بھی محروم ہیں۔
خبروں میں کہا گیا ہے کہ شام کی کرد ملیشیا نے پچھلے دنوں داعش کے خلاف شدید جنگ کرنےکے بعد رقہ کے آدھے علاقے کو آزاد کرالیا ہے۔