اربیل ھوائی اڈے کے لئے بین الاقوامی پروازیں منسوخ ہونے کی تصدیق
عراق کےاربیل انٹرنیشنل ایئرپورٹ کے انچارج نے اعلان کیا ہے کہ جمعے سے اس ایئرپورٹ سے بین الاقوامی پروازیں بند کردی جائیں گی
لبنان کے المیادین ٹی وی نے یہ خبر دیتے ہوئے کہا کہ قطر ایئرلائن نے بھی عراقی کردستان کے لئے اپنی پروازیں منسوخ کردی ہیں- فلائی دبئی ایئرلائن نے بھی اعلان کیا ہے کہ وہ عراقی حکومت کے مطالبے پر اربیل کے لئے اپنی تمام پروازیں عارضی طور پر بند کرر ہی ہے- لبنان، مصر، ترکی اور اردن کی ایئرلائنوں نے پہلے ہی عراق کے کردستان علاقے کے لئے اپنی پروازیں بند کرنے کا اعلان کردیا ہے کو عراق کے محکمہ شہری ہوابازی نےغیرملکی کمپنیوں کو یہ پیغام دے دیا ہے کہ وہ عراقی کردستان کے لئے تمام پروازوں کا سلسلہ جمعے سے منسوخ کر دیں- عالمی سطح پر مخالفت اور عراقی حکومت کے سخت ردعمل کے باوجود عراقی کردستان کی مقامی انتظامیہ کے سربراہ مسعود بارزانی نے اس علاقے کی علحدگی کے لئے ریفرنڈم کرایاہے -
