سعودی عرب کی جارحیت پر یمن کے علما کا رد عمل
Nov ۰۳, ۲۰۱۷ ۱۱:۳۰ Asia/Tehran
یمن کے علما نے سعودی عرب کی حالیہ جارحیت کی جس میں در جنوں یمنی شھید و زخمی ہو گئے تھےمذمت کی۔
یمن کے شمالی صوبے صعدہ کے سحار علاقے کی علاف بازار پر یکم نومبر کو سعودی جنگی طیاروں کی بمباری میں 17 یمنی شہید اور 6 زخمی ہو گئے تھے۔
رسا نیوز ایجنسی کی رپورٹ کے مطابق یمن کے علما کی انجمن نے جمعرات کے روز ایک بیان جاری کر کے کہا کہ اس قسم کے غیر انسانی حملوں سے بخوبی دکھائی دیتا ہے کہ سعودی عرب کسی بھی قسم کے اخلاقی اور انسانی اہمیت کا قائل نہیں ہے۔ اس بیان میں ظالموں کے خلاف فرزندان اسلام کی جدوجہد اور انھیں نکال باہر کرنے پر تاکید کی گئی۔
تحریک انصاراللہ نے بھی ایک بیان میں یمن کے مختلف علاقوں پر سعودی جارحیت کی مذمت کرتے ہوئے اقوام متحدہ اور عالمی برادری کو یمن کے عوام کے قتل عام کا ذمہ دار قرار دیا۔
