کسی بھی امریکی بحری جہاز اور طیارہ بردار جہاز کو بحیرہ احمر اور بحیرہ عرب کے قریب ہونے کی اجازت نہیں دی جائے گی : یمن کی تحریک انصار اللہ

Jan ۲۸, ۲۰۲۶ ۱۷:۲۲ Asia/Tehran

یمن کی انصار اللہ تحریک نے کہا ہے کہ ہم کسی بھی امریکی بحری جہاز اور طیارہ بردار جہاز کو بحیرہ احمر اور بحیرہ عرب کے قریب ہونے کی اجازت نہیں دیں گے۔

سحرنیوز/عالم اسلام: یمن کی انصاراللہ تحریک نے واشنگٹن اور اس کے اتحادیوں کو صنعا کی مکمل تیاری اور جدید بحری صلاحیتوں کے بارے میں خبردار کرتے ہوئے کہا ہے کہ وہ امریکی طیارہ بردار بحری جہاز ابراہم لنکن کا مقابلہ کریں گے۔

تحریک انصار اللہ کے فوجی عہدیدار بریگیڈیئر جنرل عزیز رشید نے کہا کہ یمن کی بحری افواج بحیرہ احمر اور بحیرہ عرب میں دشمن کی نقل و حرکت پر کڑی نظر رکھے ہوئے ہیں اور ابراہم لنکن کی قیادت میں ایک اسٹرائیک گروپ کی تعیناتی کی کسی بھی کوشش کو ناکام بنانے کے لئے بھرپور کارروائی کریں گی۔

ہمیں فالو کریں:

انہوں نے مزید کہا کہ یمن میں اب دشمن کے بحری جہازوں کو ٹریک کرنے اور ان کو نشانہ بنانے کی جدید بحری صلاحیتیں موجود ہیں اور ملک کی مسلح افواج بحیرہ احمر اور بحیرہ عرب میں دشمن کے اہداف کو نشانہ بنانے اور کسی بھی حملے کو پسپا کرنے کے لئے تیار ہیں۔ انہوں نے خبردار کرتے ہوئے کہا کہ ایران، امریکہ اور صیہونی حکومت کے درمیان کسی بھی ممکنہ تصادم سے پورے خطے میں جنگ کی آگ بھڑک سکتی ہے۔