عراق میں اجتماعی قبر دریافت
Jan ۲۷, ۲۰۱۸ ۰۹:۰۶ Asia/Tehran
عراق کے شمال میں واقع صوبے کرکوک میں ایک ایسی اجتماعی قبر دریافت ہوئی ہے جس میں درجنوں فوجی اور غیر فوجیوں کو قتل کرنے کے بعد دفن کیا گیاہے۔
عراق سے ہمارے نمائندے کی رپورٹ کے مطابق کرکوک کے گورنر راکان سعید الجبوری کا کہنا تھا کہ کرکوک کے باشندوں نے یہ اجتماعی قبر دریافت کی ہے۔ ان کے بقول اس علاقے میں اب تک اس طرح کی 14 قبریں دریافت ہوئی ہیں۔
کرکوک میں اس اجتماعی قبر سے 75 لاشیں ملی ہیں جنہیں دہشتگرد گروہ داعش نے بے دردی کے ساتھ قتل کیا تھا۔
