لندن میں بحرین کی آل خلیفہ حکومت کی جارحانہ پالیسیوں کے خلاف احتجاج
برطانیہ کے سرگرم سیاسی کارکنوں اور انسانی حقوق کے طرفداروں نے لندن میں اجتماع کر کے بحرین کی آل خلیفہ حکومت کی جارحانہ و مجرمانہ پالیسیوں کے خلاف احتجاج کیا۔
ارنا کی رپورٹ کے مطابق بحرین میں عوامی انقلاب و استقامت کی ساتویں سالگرہ کی آمد کے موقع پر لندن میں کئے جانے والے اس اجتماع میں شریک لوگوں نے بحرین کے معروف عالم دین آیت اللہ شیخ عیسی قاسم اور بحرین میں شہید ہونے والے بحرینی مسلمانوں کی تصاویر اپنے ہاتھوں میں اٹھا رکھی تھی اور وہ بحرین کی آل خلیفہ حکومت کے خلاف نعرے لگا رہے تھے۔مظاہرین نے اپنے ہاتھوں میں ایسے بینر بھی اٹھا رکھے تھے کہ جن پر بحرین کی آل خلیفہ حکومت کے جرائم سے نفرت اور بحرین سے غاصب سعودی عرب کے ناجائز قبضے کے خاتمے کے مطالبات میں نعرے درج تھے۔واضح رہے کہ بحرین میں چودہ فروری دو ہزار گیارہ سے انقلابی تحریک جاری ہے۔ اس ملک کے عوام اپنے ملک میں امن و انصاف اور جمہوری حکومت کے قیام کا مطالبہ کر رہے ہیں۔
