SAHAR

یمن کی نیشنل سالویشن کی حکومت نے یمن کے بارے میں روس کے موقف کا خیر مقدم کیا ہے۔

روس نے پیر اور منگل کی رات یمن کے تعلق سے برطانیہ کی ایران مخالف قرار داد کو ویٹو کر دیا تھا۔ 

  یمن کی نیشنل سالویشن کی حکومت نے بدھ کو ایک بیان جاری کر کے یمن کے تعلق سے روس کے موقف کو ذمہ دارانہ قرار دیا ہے۔ یمن کی نیشنل سالویشن کی حکومت نے اعلان کیا ہے کہ روس نے برطانیہ کی مجوزہ قرارداد کو ویٹو کر کے خطے اور عرب اقوام کے خلاف سامراجی سازش پر عمل درآمد کو روک دیا ہے۔

 یمن کی نیشنل سالویشن کی حکومت نے اعلان کیا ہے کہ یمن کے عوام امن پسند ہیں لیکن وہ اپنے اور ملک کے خلاف گھناؤنی سازشوں کو ناکام بنانے کے لئے جارحین کے مقابلے میں استقامت و پائیداری کے ساتھ ڈٹے رہیں گے۔