حماس کے 6 اراکین کی شہادت میں اسرائیل ملوث
May ۰۶, ۲۰۱۸ ۱۰:۲۲ Asia/Tehran
فلسطین کی اسلامی مزاحمتی تحریک حماس کی فوجی شاخ عزالدین قسام بریگیڈ نے کہا ہے کہ اسرائیل نے غزہ کی پٹی میں دھماکے کے ذریعے عزالدین قسام بریگیڈ کے 6 اراکین کو شہید کیا۔
العالم کی رپورٹ کے مطابق غزہ کی پٹی میں کل ہوئے ایک دھماکے میں حماس کی فوجی شاخ عزالدین قسام بریگیڈ کے 6 افراد شہید اور 3 زخمی ہوئے۔
المیادین کی رپورٹ کے مطابق قدس کی غاصب اور جابر صیہونی حکومت نے غزہ کی پٹی کے زوایده علاقے میں ایک پلاننگ کے تحت عزالدین قسام بریگیڈ کے خلاف دہشتگردانہ حملہ کیا۔
عزالدین قسام بریگیڈ نے کہا ہے کہ اسرائیل کی سازش کی مزید تفصیلات جلد ہی جاری کر دی جائیں گی۔
