فلسطینیوں کی حمایت میں عراقی عوام کی ریلیاں
Jun ۰۸, ۲۰۱۸ ۱۴:۴۲ Asia/Tehran
عالمی یوم قدس کے موقع پر عراقی عوام نے بھی دارالحکومت بغداد سمیت کئی شہروں میں ریلیاں نکالیں اور مظلوم فلسطینی عوام کی حمایت کا اعلان کیا۔
مظاہرین نے اپنے ہاتھوں میں عراق اور فلسطین کے پرچم اٹھا رکھے تھے اور وہ سرزمین فلسطین میں اسرائیل کے جارحانہ اور توسیع پسندانہ اقدامات کی مذمت میں نعرے لگا رہے تھے۔
بصرہ میں بھی ہزاروں عراقیوں نے یوم قدس کے موقع پر مختلف سڑکوں پر مارچ کیا اور غاصب صیہونی حکومت کے خلاف نعرے لگائے۔
عالمی یوم قدس کے موقع پر ہر سال ایران سمیت دنیا کے مختلف ملکوں میں فلسطینیوں کی حمایت میں ریلیاں نکالی جاتی ہیں اور کانفرنسوں اور سیمناروں کا بھی انعقاد کیا جاتا ہے۔
