نجف : صحن علوی میں حضرت زہرا سلام اللہ علیھا کی تعمیر کے یادگاری ڈاک ٹکٹ کی رونمائی

Dec ۱۹, ۲۰۲۵ ۱۹:۵۰ Asia/Tehran

نجف اشرف میں حرم حضرت علی علیہ السلام کے احاطے میں صحن حضرت زہرا سلام اللہ علیھا کی تعمیر کے یادگاری ڈاک ٹکٹ کی رونمائی، ایرانی اور عراقی حکام کی موجودگی میں اس صحن کے افتتاح کے دوران کی گئی۔

سحرنیوز/عالم اسلام: نجف اشرف سے ارنا کے نامہ نگار کے مطابق اس ڈاک ٹکٹ میں حضرت زہرا (س) کے صحن اور شبستان نیز بارگاہ امیرالمومنین علیہ السلام کے گنبد کی تصویر کو منعکس کرکے پرنٹ اور تقسیم کیا گیا اور اسے یونیورسل پوسٹل یونین کے ایک سو اٹھانوے رکن ممالک کو بھیجا گیا ہے۔

اس تقریب کے دوران فنکاروں، انجینئروں اور حرم مطہر علوی، صحن اور شبستان حضرت زہرا (س) کے روضہ مبارک کے ترقیاتی منصوبے پر کام کرنے والوں کے اعزاز میں بھی ایک تقریب شامل تھی۔

ہمیں فالو کریں:

حرم علوی کے متولی سید عیسی الخرسان نے بھی ان کی کوششوں اور خدمات پر شکریہ ادا کیا اور اس عظیم منصوبے کو عملی جامہ پہنانے میں شریک ایرانی عوام اور ماہرین کا بھی شکریہ ادا کیا اور اس یادگار پروجیکٹ کی تعمیر کی تکمیل میں ان کے کردار کو قابل قدر قرار دیا۔