مشرقی لیبیا میں 34 افراد کی ہلاکت
Jun ۱۶, ۲۰۱۸ ۲۰:۲۵ Asia/Tehran
لیبیا کے فوجی ذرائع کے مطابق مشرقی لیبیا میں خلیفہ حفتر اور نیم فوجی دستوں کے درمیان ہونے والی جھڑپوں میں کم از کم چونتیس افراد ہلاک ہو گئے۔
موصولہ رپورٹ کے مطابق گذشتہ اڑتالیس گھنٹوں کے دوران جھڑپوں کے نتیجے میں خلیفہ حفتر کے چودہ اور نیم فوجی ملیشیا کے تقریبا بیس جوان ہلاک ہوئے ہیں۔
یہ افراد مشرقی لیبیا کے آئل فیلڈ علاقے میں مارے گئے۔ لیبیا کی قومی آئل کمپنی این او سی نے مشرقی علاقے میں آئل فیلڈ سے اپنے تمام کارکنوں کو باہر نکال لیا ہے اور اس علاقے کے دونوں ٹرمنل پر ہنگامی حالت کا اعلان کر دیا گیا ہے۔
لیبیا کی قومی آئل کمپنی کا کہنا ہے کہ نیم فوجی دستوں کے حملے میں ملک کی آئل ذرائع کو دو لاکھ، چالیس ہزار بیرل تیل کے ذرائع کا نقصان ہوا ہے۔
