لاکھوں حاجی منی پہنچ گئے، لبیک اللھم لبیک کی صدائیں
لاکھوں حاجی رات منی پہنچ گئے جہاں آج کا دن اور رات بسر کریں گے۔
سعودی عرب میں مناسک حج شروع ہو گئے، لاکھوں حاجی منی پہنچ گئے جہاں آج کا دن اور رات بسر کریں گے، کل صبح نماز فجر کے بعد میدان عرفات روانہ ہو جائیں گے جہاں حج کا رکن اعظم وقوف عرفات ادا کریں گے اور مسجد نمرہ میں خطبہ حج سنیں گے۔
ظہر اور عصر کی نمازیں ایک ساتھ ادا کی جائیں گی، سورج غروب ہونے کے بعد حجاج کرام مزدلفہ روانہ ہو جائیں گے جہاں وہ مغرب اور عشا کی نمازیں ایک ساتھ قصر کے ساتھ ادا کریں گے۔
مزدلفہ میں رات قیام کے دوران حجاج رمی جمرات کے لیے کنکریاں چنیں گے اور نماز فجر ادا کریں گے پھرطلوع آفتاب کے بعد منی روانہ ہوجائیں گے، جہاں سب سے بڑے شیطان کو کنکریاں ماری جائیں گی۔
رمی کے بعد حجاج جانور کی قربانی اورسر منڈوا کر یا بال کٹوا کراحرام کھول دیں گے۔اس کے بعد مکہ المکرمہ جا کر مسجد الحرام میں طواف زیارت اور صفا و مروہ کے درمیان سعی کریں گے، بعدازاں حجاج کرام واپس منی آ جائیں گے۔
