شمالی افغانستان میں متعدد طالبان عناصر کی ہلاکت
Dec ۳۰, ۲۰۱۸ ۱۸:۴۳ Asia/Tehran
افغان فوجی اہلکاروں نے اعلان کیا ہے کہ شمالی افغانستان کے صوبے بدخشان میں ایک کارروائی کر کے طالبان گروہ کے کم از کم چھے افراد کو ہلاک اور نو دیگر کو زخمی کر دیا گیا۔
ہمارے نمائندے کی رپورٹ کے مطابق افغان فوج نے ایک بیان میں اعلان کیا ہے کہ طالبان گروہ اور افغان فوجی اہلکاروں میں جھڑپ اس وقت شروع ہوئی جب افغان فوجی اہلکاروں نے بدخشان کے علاقے اشکان میں فوجی کارروائی شروع کی۔
اس کارروائی میں طالبان گروہ کے چھے افراد کے ہلاک ہونے کے علاوہ نو دیگر افراد زخمی بھی ہوئے۔
افغان فوج کے بیان کے مطابق فوجی کارروائی کے نتیجے میں طالبان عناصر، اپنے ٹھکانوں سے فرار ہونے پر مجبور ہو گئے۔
طالبان کی جانب سے اب تک اس خبر پر کسی بھی طرح کے ردعمل کا اظہار نہیں کیا گیا ہے۔
