SAHAR

شام کے دارالحکومت دمشق میں سیریا ہیلتھ کے نام سے ایک نمائش کا اہتمام کیا گیا ہے جس میں ایران کی چودہ کمپنیوں کے ساتھ ساتھ مختلف ملکوں کی کمپنیوں کے طبی آلات و وسائل پیش کئے گئے ہیں۔

ہفتے کے روز تک جاری رہنے والی اس نمائش میں ایران، شام، لبنان، متحدہ عرب امارات، اردن اور امریکہ کی اسّی کمپنیوں کے وسائل و مصنوعات پیش کی گئی ہیں۔
ایران کی چودہ کمپنیوں نے بھی اس نمائش میں شرکت کرتے ہوئے طبی آلات و وسائل منجملہ دوائیں اور اسپتالوں کی ضروریات کا سامان پیش کیا ہے۔
اس نمائش میں ایران کی دو کمپنیوں کی جانب سے ہربل دوائیں اور جڑی بوٹیاں بھی پیش کی گئی ہیں۔ نمائش میں شرکت کرنے والوں اور دیکھنے والوں کی جانب سے سیریا ہیلتھ نمائش کا وسیع پیمانے پر خیرمقدم کیا گیا۔