SAHAR

دنیا کے سات ملکوں کے ایک سو اڑتالیس ڈاکٹروں نے جن میں ایرانی اور غیر ایرانی ڈاکٹر شامل ہیں نائیجیریا کی اسلامی تحریک کے بانی آیت اللہ شیخ زکزکی کی میڈیکل رپورٹ کا حوالہ دیتے ہوئے جس میں کہا گیا ہے کہ ان کے خون میں لیڈ پوائزیننگ یا زہریلا مادہ تیزی کے ساتھ پھیلتا جارہا ہے جو بہت ہی خطرناک ۔ ان ڈاکٹروں نے کہا کہ شیخ آیت اللہ زکزکی کو جلد سے جلد ایک اچھے اور بڑے اسپتال میں داخل کرائے جانے کی ضرورت ہے ۔ یہ خط جس پر ہندوستان،پاکستان، لبنان، عراق، افغانستان، شام اور ایران کے ڈاکٹروں نے دستخط کئے ہیں تہران میں نائیجیریا کے سفارتخانے کے حوالے کردیا گیا ہے۔ یہ ایسی حالت میں ہے کہ نائیجیریا کی حکومت نے آیت اللہ شیخ زکزکی اور ان کی اہلیہ کو علاج کے لئے ہندوستان بھیجنے کے لئے نئی شرطیں عائد کردی ہیں۔ نائیجیریا کے صوبے کادونا کے کمشنر برائے سیکورٹی اور داخلہ امور نے کہا ہے کہ شیخ زکزکی کو اسی وقت علاج کے لئے ہندوستان بھیجا جائے گا جب اسپتال میں نائیجیریا کی وزارت خارجہ اہلکاروں کو ان کے پاس جانے کی اجازت ہوگی اور خود شیخ زکزکی کی دو افراد ضمانت لیں گے۔یہ ایسی حالت میں ہے کہ شیخ زکزکی اور ان کی اہلیہ کے ہمراہ نائیجیریا کی سیکورٹی فورس کے افسران بھی ہندوستان جائیں گے۔