SAHAR

افغانستان کے مشرقی صوبے ننگرہار میں نمازجمعہ کے دوران ایک مسجد میں دہشت گردانہ بم دھماکوں میں تیس سے زائد نمازی جاں بحق اور دسیوں دیگر زخمی ہوگئے

غیر ملکی خبررساں ادارے کے مطابق افغانستان کے مشرقی صوبے ننگرہار کے علاقے  جو درّہ میں نماز جمعہ کے دوران ایک مسجد میں ہونے والے دہشت گردانہ بم دھماکوں میں تیس سے زائد افراد جاں بحق اور پچپن  دیگر زخمی ہوگئے ۔ امدادی ٹیموں نے جاں بحق اور زخمی ہونے والوں کو قریبی اسپتال میں منتقل کردیا ہے۔ مقامی حکام کا کہنا ہے کہ جاں بحق ہونے والوں کی تعداد میں اضافہ ہوسکتا ہے ۔ صوبہ ننگرہار کے گورنریٹ کے ترجمان عطاء اللہ خوگیانی نے کہا ہے کہ یہ دھماکے اس وقت ہوئے جب لوگ نماز جمعہ ادا کررہے تھے - ابھی تک  کسی گروہ نے ان دھماکوں کی ذمہ داری قبول نہیں کی ہے -